Sindaktiliya(barmaqların bitişik olması)

Sindaktiliya hər 2500-3000 yenidoğulmuşdan birində təsadüf edir və yuxarı ətrafın inkişaf qüsurları içərisində  birinci yeri tutur.

Sindaktiliyanın patogenizinə gəldikdə, embrionun inkişaf dövründə barmaqlar zar vasitəsilə bir-birinə birləşmiş olur. Hamiləliyin ikinci ayında barmaqlar arasında olan pərdə geriyə doğru inkişaf edir və barmaqlar formalaşmağa başlayır. Bu proses ləngiyərsə və ya tam olmazsa, sindaktiliya əmələ gəlir. Deməli, barmaqların bir-birindən aralanması prosesinin pozulmasına sindaktiliya deyilir.

Sindaktiliyanın 4 klinik forması mövcuddur: 1) Pərdəli, zarlı; 2) Dəri; 3) Sümük; 4) Dırnaq falanqalarının birləşməsi.

Diaqnoz - Zarlı və dəri formasında diaqnoz ele bir çətinlik törətmir. Ancaq sümük və oynaq formasında cərrahi taktikanı düzgün seçmək üçün mütləq barmaqların rentgenoqrafiyası edilməlidir.

Müalicə - Sindaktiliyanın müalicəsi cərrahi yolla aparılır.